Con escala previa en Francfurt (Alemaña), cidade que xa visitara hai uns anos. Urbe chamada a Manhatan europea pero con apenas 700.000 habitantes, que combina perfectamente a arquitectura previa á 2ª Guerra Mundial, con impresionantes rañaceos. Boa cervexa e boas salchichas para pasar unhas horas antes de partir rumbo a Lituania.
As tres Repúblicas Bálticas son paisaxísticamente moi parecidas, apenas sen montañas e moi verde debido ao clima. As diferencias entre elas son principalmente culturais (lingüísticas e relixiosas)e económicas. As tres forman parte da U.E. Nos seus bosques abundan o carballo o abeto e o bidueiro. Impresionantes campos de colza que transforman en biodiesel e aceite comestible.
Vilna ou Vilnius, capital de Lituania, o pais mais relixioso (e católico) do mundo (xunto con Polonia). Cidade fermosa, chea de igrexas (Catedral, San Pedro e San Paulo, Santa Ana.....). Palacio barroco de Rundale (s. XVIII). Nas aforas, o Castelo de Trakai, no medio dun lago.
Letonia, xa mais luterana e menos relixiosa. Apenas sen industria, vive entre outras cousas de "vender" a súa cuota de CO2 a paises contaminantes. Os bosques son estatais. Riga, a capital, tamén moi fermosa. Destacan a catedral luterana (o edificio mais grande das tres repúblicas). O Parque Nacional da Agulla con frondosos bosques, regatos, e grutas. Non se ve nin un eucalipto, por certo.Estonia, único pais dos tres que xa utiliza o euro. Acaba de sair da crise tras catro anos de penurias, con recortes de salarios do 20% e subidas do IVE do 15 % agora son a envexa dos seus veciños. Se Lituania era o pais mais relixioso do mundo, Letonia está considerado o mais ateo. A súa lingua é parecida ao finés e ten declinacións.Tallín preciosa cidade que como nas outras dúas capitais, preto do 40% dos habitantes son rusos ou descendentes de rusos ainda que na última década mais de 200.00 marcharon da capital cara ao seu país de orixe. Destaca a catedral ortodoxa Nevsky e a luterana. A cidade vella foi declarada patrimonio da humanidade pola UNESCO.
Tras tomar un ferry chegamos a Helsinki, cidade pequena, donde destaca o parque Sibelius, a praza do Senado e a igresa Tempeulaikko.
A uns 15 km de Helsinki sitúase a cidade de Porvóo, que data do s. XIV con casas de madeira ao longo dun río.
FRANCFURT
VILNA (VILNIUS)
LITUANIA
RIGA
LETONIA
TALLIN
HELSINKI
PORVÓO
